სტატუსები

მოგეხსენებათ ეს სოცილური ქსელები ისე გაჯაზდა და გავიდა თავს რომ უკვე მრავალი ანომალია შეიძლება აღმოაჩინო, ან უბრალოდ იგრძნო. ხოდა, ბევრ ინფორმაციებს, გასართობებსა, ”ლინ-ბიფ-სტატუსებს” შორის ყველაზე სახალისო მაინც ნერვოზიანი პირწიგნაკელია, რომელის ამოცნობაც მარტივად, შემდეგი სტატუსებით შეიძლება:

  • ახალი წელი – “ნუ გაახურეთ რა ამ მოლოცვებით”, “დამღალა ამ მოლოცვებმა, მოვა კიდევ ხალხო რამე უფრო ორიგინალური მოიფიქრეთ”;
  • ვალენტინობა ან რამე მსგავსი – “შეყვარებული არა ის” “ვალენტინობა არა იხვი” და ა.შ;
  • საკმაოდ საინტერესო და დაძაბული მატჩი – “ნუ ამიჭრელეთ ვოლი ამ ფეხბურთით” “ფეხბურთს ფბზე ვკითხულობ”;
  • აირჩიეს რომის პაპი – “გავიგეთ რომ თეთრი კვამლი ამოვიდა” “გავიგეთ რომ რომის პაპი აირჩიეს”;
  • მიმდინარეობს დებატები აქტუალურ თემაზე: “საგაგებია რომ დიპლომი აქვს” “ჰქონია დიპლომი” “გაიკეთოს ეს დიპლომი, ხალხ რამე სხვაზე დაწერეთ”;
  • ფბ აპლიკაციები – “ნუ მიგზავნით თამაშეეებს” “ნუ შემეცით ამ თამაშებით” “თამაშებს ნუ აგზავნით ხალხო”;
  • ასევე საინტერესოა ამინდის პროგნოზის გამცნობი ფრენდები და მათი მტერი ფრენდები, რომლებიც მუდმივად უკრიტიკებენ სტატუსებს და მიანიშნებენ, რომ ამინდს თავადაც ხედავენ.

Facebook-hoax

Advertisements

ჩვენი გვარი,გენაცვალე

ბოლო რამდენიმე დღეა სხვადასხვა ადამიანისგან ხშირად მესმის ახალი კანონის შესახებ, რომლის მიხედვითანც თურმე გვარები უნდა დაგვიმოკლონ, ანუ არსებულს ბოლო ნაწილი ჩამოშორდება.

საზოგადოება უტყუარ წყაროს მისახელებს “კაცო რას ლაპარაკობ ტელევიზორში თქვეს” , ან კიდევ “ჩემმა ბიძაშვილმა მითხრა მაგისი მეზობელი კანონებში მუშაობს”, ჰოდა მეც უძლური ვარ ასეთ დამაჯერებელ ფრაზებთან.

მართლა რომ შეკვეცონ თუ დაამოკლონ გვარები ქართველების საკმაოდ დიდი ნაწილი რა ფრიად საინტერესო მგდომარეობაში აღმოჩნდება 🙂  (როგორც გვარის მფლობელები ასევე ადამიანები რომლებიც იძულებულები არიან მათ მხოლოდ გვარით მიმართონ).

მოგეხსენებათ გადასარევი ერი ვართ და ყველა საოცრებასთან ერთად გვარების მრავალფეროვნებითაც გამოვირჩევით.   ნებისმიერ სიტყვას მივამატებთ – ძეს, იას, შვილს, იანს  და დიდი ისტორიის მქონე გვარიც გამოგვივა…(მე მაგ გვარის ქალს სახლში ვერ შემოვუშვებ) მაგრამ აი შეკვეცა აღარ შედიოდა ჩვენს კომპეტენციაში…

ზოგიერთი ქართული გვარი შეკვეცამდეც გადასარევია და შეკვეცის შემდეგ კიდევ უარესი გამოდის.

წარმოიდგინეთ რა  უხერხულად მოგმართავენ გვარის შეკვეცის შემდეგ თუ თქვენი  გვარია:  კუტუბიძე, სირაძე, ფანჩვიძე, კაჭკაჭიშვილი, კუტალაძე, ტაკიძე და მრავალი მსგავსი.

წარმოიდგინეთ მაიორი როგორ მიმართავს სერჟანს სირაძეს გვარის დამოკლების მერე.

ეგეც არაფერი, თუ ერთ კლასსში ერთდროულად სწავლობს: მგელაძე, მელაძე, მამლაძე, ქათამაძე, ლომაძე, ვეფხვაძე, ცხვარიაშვილი და ირემაძე მასწავლებელს 2 დღიანი გადამზადების კურსები დასჭირდება დასარწმუნებლად რომ ისევ მასწავლებელია და არა ზოოპარკის დირექტორი.

ან კიდევ წარმოიდგინეთ მკაცრი მამა რომელსაც შვილი უბრებს რომ არ ინერვიულოს ის თავის მეგობრებთან ერთად არ ის მეგობართა გვარები კიდევ კუტალია და კუტუბიძეა (შეკვეცის შემდეგ რასაკვირველია)

ისეთ ქვეყანაში სადაც ერთად ცხოვრობს : გვარგვალია რუნდუკი, გეთია ქორდიკო, ბოქოლავა ირმიზოლდი, პერტაია პაჭო და ბევრი ამათი, კიდევ გვარების დამოკლება მეტისმეტი იქნება.

სწორედ ამიტომ ბოლოს მაინც განგიმარტავთ ამ გაუგებრობას. “ბიძაშვილის კანონებში მომუშავე მეზობელს ” მაინც არ დავუჯერე რატომღაც და გადავამოწმე, აღმოჩნდა რომ  ცვლილებები საქართველოს მოქალაქის ბიომეტრიულ პასპორტებში საქართველოს იუსტიციის მინისტრის ბრძანებით შევიდა, რომლის თანახმადაც თუ პასპორტში შეუძლებელია სახელი და გვარის სრულად დატანა მისი სიგრძის გამო, დასაშვები იქნება მათი შემოკლება. შემოკლება გულისხმობს ასოების ჩამოცილებას სახელისა და გვარის ბოლოში. შემოკლებული სახელის და გვარის ბოლოში უნდა დაისვას წერტილი, რომელიც შემოკლებაზე მიუთითებს.

ჩვენი დროის გმირები

გმირები, ეს ადამიანები ჩვენს შორის ცხოვრობენ და ყოველდღე გვაქვს მათთან ურთიერთობა ისე რომ არც კი ვაფასებთ მათ ღვაწლს, მე მინდა ხმა ავიმაღლო და ვთქვა მათ შესახებ:

1. გმირი  არააა ის გოგო რომელიც 15 სმ ქუსლის მქონე ფეხსაცმლით გადაადგილდება?! დადის სკოლაში, უნივერსიტეტში და თვლის, რომ  გადასარევად ახერხებს ცეკვასა და სხვადასხვა “სახიფათო ილეთების” შესრულებას, ასევე თავისუფალ დროს დარბის კუს ტბაზე (15 სანტიმეტრიანი ფეხსაცმელებით, რა თქმა უნდა).

გმირია!!!!   გმირია!!!!

2. გმირობის წოდების ღირსია ის ბიჭი, რომელიც  #1 გმირის საცოდაობას უყურებს და არ იმჩნევს. 🙂

3. გმირი არ არის ის ახალგაზრდა, რომელსაც კომპიუტერის კლავიატურაზე ძინავს, შუბლზე ”პრაბელი” ახატია, მაგრამ ფეისბუქს მაინც არ ტოვებს?!

გმირია!!! გმირია!!! 

4.  გმირი არ არის ის ბავშვი, რომემლიც მზადაა შიმშილით მოკვდეს ოღონდაც დედამისმა ფერმა მოაწესრიგოს დროულად?!

გმირია!!! გმირია!!!

5. გმირია ის ტაქსისტიც ასეთი გაძვირებული საწვავის პირობებში A პუნქტიდან B  პუნქტში გადაყვანისთვის ლარს რომ გიკლებს?! ( ყოველ შემთხვევში გმირის სახე კი აქვს ნამდვილად)

6. გმირი არაა ის ბებო რომელიც ტროტუარზე ხელჯოხით მიდიოდა და ახლა შუა გზაზე რომ გადარბის ?! გმირია!!! გმირია!!! ( ნუუ თუ გადარჩა ინ შემთხვევასი ნამდვილი გმირია)

7.  გაუთვიცნობიერებლად გმირები არიან ის ადამიანები უნებურად ნინო ჩხეიძის და გია სურამელაშვილის მოსმენა რომ უწევთ!!! (უდავოდ გმირები თანაც) 

8. ისიც გმირია ვინც ეს დაწერა, ოღონდ, საოცრად თავმდაბალი და მორიდებული რაღაცნაირად. 🙂

უფლებას ვიტოვებ გმირთა ჩამონათვალი ბანალურად 10 მდე არ დავამრგვალო 🙂 რადგან

საქართველო  ზოგადად გმირების ქვეყანაა, ამიტომაც არ მინდა ვინმე გამომრჩეს.

ჩვენი ვალია დავაფასოთ ისინი ერო!!! 

10 რამ რასაც სიამოვნებით ვაკეთებთ ქართველები

1.   გვძინავს მშვიდად, აუღელვებლად და რომ არა ეს საშინელი სკოლა, უნივერსიტეტი ან სამსახური სიამოვნებით ვიძინებდით კიდევ 5 წუთი;

2.   ვჭამთ უზომოდ ბევრს და რომ არა ეს გაძვირებული შაქარი,სასტიკი ინფლაცია და მსოფლიოში შიმშილით დახოცილი უამრავი ადამიანი (რომლებზედაც საშინლად ვდარდობთ მაშინ, როცა გვშია)  კიდევ ერთსაც გავსინჯავდით;

3.    ვარღვევთ რაც შეიძლება მეტ ადმინისტრაციულ თუ სხვა წესს და რომ არ ყოფილიყო ცნება “კანონი იმისთვისაა, რომ ვიღაცამ დაარღვიოს” ჩვენ მოვიგონებდით;

4.      ვუყურებთ, არა!!! არ ვუყურებთ ლათინო ამერიკულ ან ბრაზილიურ სერიალებს ყოველ დღე, ნანუკას შოუს ან პროფილს კვირაში ორჯერ, მაგრამ მაინც ყველაფერი ვიცით სად რა,  როგორ მოხდა, ვინ ვისი მამა აღმოჩნდა და რამდენი თითი აქვს თიკო სადუნიშვილს მარცხენა ფეხზე, ამავდროულად საკმაოდ ხშირად აღვნიშნავთ, რომ ეს ყოველივე ბანძობა, უგემოვნოობა და ა.შ.

5.    ვსვამთ ყველაფერს და ყველგან განუსაზღვრელი დოზით, თან  პარალელურად   გვიყვარდება   ყველა, გვახსენდება სხვების დედა  (შეიძლება საკუთარიც) ან უახლოესი ნათესაობა და მერე იიისევ ვიძინებთ ნებისმიერი სახის საკვებში განურჩევლად იმისა თუ რა სახის კერძი უხდება ჩვენს  თმას;

6.  სიამოვნებით და სათუთი სიფათებით ვუთმობთ  ტრანსპორტში ადგილს მოხუცებს, გარკვეული დროის მანძილზე გვახსოვს რომ ჩვენც თუ გაგვიმართლა დავბერდებით და მერე ტანჯული გამომეტველებით, კეთილები ვფიქრობთ იმაზე თუ როდის ჩაბრძანდება ჩვენი სიკეთის ობიექტი (იმიტომ კი არა რომ ჩვენ დავსხდეთ?! არაა უბრალოდ ბევრი სიკეთის ჩადენა რომ მოვასწროთ სასურველ გაჩერებამდე) .

7.  განვიხილავთ მეზობლების,მეზობლების ნათესავების, კურსელების, კლასელების თანამშრომლების, მათი ძმების, დების, მამების, დედების, იმათი კლასელების, კურსლეების მეზობლების… (და ა.შ. ტერიტორია და სტატუსი განუსაზღვრელად) ამბებს, მაგრამ არ ვჭორაობთ,არავითარ შემთხვევაში, რადგან ჭორაობა არ ზის ქართულ მენტალიტეტში!!! (ეს აუცილებელია აღინიშნოს)

8.  ყველას გვაქვს ორი დიპლომი, ან უკვე, ან პერსპექტივაში, მაგრამ ასევე გვაქვს ჭკუის სწავლების დიდებული უნარი, ამიტომაც გამოვთქვამთ აზრს ყოველთვის, ყველაფერზე. რა თქმა უნდა არ მოგვწონს და აუცილებლად უკმაყოფილოები ვართ  (-არაა აშკარად ბიჭი ჯობია)

9.   ვთვრებით, ვილეშებით (კარგად გამოგვდის, ამიტომაც ორი პუნქტი ეძღვნება) მერე მივდივართ სხვის სახლში და სიყვარულით ვიკითხავთ ვიღაცის მეზობლებს, უკეთეს შემთხვევაში მივდივართ საკუთარ სახლში ვაღვიძებთ ბავშვს (არ აქვს მნიშვნელობა  გვყავს თუ არა ), რათა მან პიანინოზე დაგვიკრას (გენში გვაქვს ჩვენ ცოცხალი მუსიკის სიყვარული).

და ბოლოს

10.  ყველაზე ხშირად ავღნიშნავთ, რომ ქართველები ყველაზე ნიჭიერი, მაგრამ ზარმაცი ერი ვართ.

გამოურთეთ ტელევიზორები ექიმებს

ოციანი  წლებიდან მოყოლებული ერთ-ერთი ყველაზე მოდური ფაკულტეტის აწ უკვე ნასტუდენტარ ექიმებს, უაღრესად საქმიანი სახითა და სწრაფი ნაბიჯით მოარულთ ბევრს შეხვდებით საქართველოში არსებული კლინიკების უმრავლესობაში.

ჰიპოკრატეს შეფიცულებს თეთრი ხალათი და დიდებული აქსესუარი ფონენდოსკოპი (ყელზე ან გულის ჯიბეში) გამოყოფს უბრალო მოკვდავებისაგან .

მხოლოდ მათ შეუძლიათ საოცრად კომპეტენტური და გაყინული სახით, უემოციოდ ამცნონ 16 წლის გოგონას მოსალოდნელი დაყრუების შესახებ მაშინ, როცა თურმე ეგრედ წოდებულ ცხვირის სპრეის შეუძლია “პრობლემის მოგვარება”.

-მამა, ყურს ჩაგიხვრეტთ მერე ფირფიტას მიგამაგრებთ, ნუ რა ვქნათ მამა 70% დაგაკლდება სმენა მაგრამ , მამაა…

დედიკო, არაფერი არ უშველის შენს თვალებს და ჯობია მოერიდო ცოტა შვილო… და ა.შ. 

ამ ყოველივეს ემატებოდა საკმაოდ აქტუალური სერიალები “გრეის ანატომია”, “სასწრაფო”, მაგრამ ეგ არაფერი კულმინაციას ამ ბოლო წლებში უპოპულარულესი სერიალის, “ექიმი ჰაუსი”-ის ქართულ ტელესივრცეში გამოჩენამ მიაღწია.

სხვათაშორსი ჰიუ ლორი გაგიკვირდებათ და თურმე ქართველი ყოფილა, მეტიც, კახელი და თურმე მართლაც ბავშვობიდანვე საოცარი ნიჭით იყო დაჯილდოვებული.ნუ ფეხი რაზე დაიზიანა ეს უკვე აღარაა ცნობილი. არ ამხელენ უბრალოდ. 🙂

ნუ უფრო გამოცდილმა და მატრაკვეცა ექიმებმა განაცხადეს, რომ ტერმინები რომლებიც სერიალში გამოიყენება მაგალითად: არტერიული ჰიპოტენზია, ნეიროცირკულარული დისტონია,  ჰემორაგიული ვასკულიტი,  გუდპასჩერის სინდრომი, პარაპროტეინემიული ჰემობლასტოზები და ა.შ სამედიცინო ტერმინებს არ შეესაბამება.

ისეთმა ანომალიებმა (ექიმებზე ვსაუბრობ) რომლებიც ფიქრობენ, რომ თვითონ შეუძლიათ გახდნენ არაბუნებრივი ნიჭით დაჯილდოვებული მუსიკოს – ცინიკოს – დიაგნოსტიკოსები, თეორიის პრაქტიკაში გატარება გადაწყვიტეს და ამ რამდენიმე თვის წინ პირველი პოტენციურად წარმატებული პაციენტი (69 მამაკაცი) შემოაკვდათ ”რამდენიმე დუბლში” სანამ დიაგნოზს მოიფიქრებდნენ. სამწუხაროდ “სერია” წარმატებული არ აღმოჩნდა და  ამვადმყოფი სრულიად ბანალური დაავადებით (უბრალო მოკვდავნი სეფსისს რომ ვეძახით) გარდაიცვალა.

ამ და კიდევ ბევრი სხვა გარემოების მსხვერპლ საზოგადოებას, რომელსაც თეთრი ხალათი არ აცვია, ფონენდოსკოპით მხოლოდ  ბავშვობაში უთამაშია ინტერვიუობანა და 6 წლის მანძილზე მხოლოდ “ჰიპოკრატე”ს წერა არ უსწავლია, ორი გამოსავალი რჩება: ან ცუდად არ გახდეს, ან თვითონ იჰაუსოს. (ორივე არც ისე მარტივია)

ექიმებს კი კარგი იქნება თუ ტელევიზორებს გამოურთავს და დედამიწაზე დასაბრუნებელ ბილეთებს შეუძენს ვინმე !!!

გაუღიმე შენ ქვეყანას, ის უკვე გიღიმის

ქართველოებო, თქვენ ჯერ კიდევ ვერ ხვდებით რა უნიკლაურ ქვეყანაში ვცხოვრობთ, ვერ ხვდებით და მეტიც,  ვერ აფასებთ… აქედან გაქცევაზე ფიქრობთ და  ერთხელაც არ გიცდიათ წარმოგედგინათ რა ბედნირები  ხართ, აქ რომ დაიბადეთ!!!

მაგალითად, ეს არის ქვეყანა,  სადაც ზაფხულობით შეგიძლია თოვლით იგუნდაო მაშინ, როდესაც ტემპერატურა 40 გრადუსს აღწევს.

დატკბეთ საოცარი ველური ბუნებითა და საზოგადოებით. შეიგრძნოთ თუ რაოდენ სასიამოვნოა პოლიეთილენის პარკებითა და ბოთლებით სავსე ტყეში სეირნობა.

მხოლოდ საქართველოში დგას საათი, რომელიც ყოველ ერთ საათში ,,თბილისოს” ნაგლეჯს უკრავს, არა ნუ მსგავსი საათი ლონდონშიც დგას, მაგრამ თბილისოს ნიჭი მაგას ვინ მისცა, თანაც ჩვენი საათი მრავალდროების მოწამეა და სულაც არ არის უტყვი.

ყვავილების საათიც გვაქვს, ნატოში ან მაგაზე უკეთესში შესვლა რომ არ დაგვაგვიანდეს. ნუ მართალია დროს ვერავინ ვერ ხვდება მაგრამ ხომ გვაქვს?!

ეს ის ქვეყანაა სადაც ჰარმონიულად ცხოვრობს ზოოპარკში ძაღლი და სოფელში მგელი.

ჩვენ გვაქვს ისიც, გმირთა მოედანზე რაღაც ფერცვლადი ნივთი, ჰაერში უიმედოთ ატყორცნილი რაღაცას თუ ვიღაცას რო უნათებს. არა არა ალექსანდრიის შუქურა მიქარვა იყო რა მიშას შუქურასთან, თანაც ვერაფერს იტყვი მუდმივად ზესვლაშია, მდგრადად ვითარდება.

კიდევ მარტო ჩვენთან, საქართველოში უხარიათ ნებისმიერი უცხოელის დანახვა, ინგლისურის დახვეწის ამბავში და თუ ეს ანგელოზი რამეს იკითხავს ყბის ძვალს ამოვიგდებთ და ინგლისურად ვუპასუხებთ (ყოველმხრივ ერუდირებულები რომ ვართ აღარ ავღნიშნავ ეს ისედაც ცხადია)

ხოოო მხოლოდ საქართველოში უხარიათ კარგად წაგება – წაგებაცაა და წაგებაც, გენაცვალე.

თუ კიდევ არ გჯერათ ჩვენი ქვეყნის შეუდარებლობის მაშინ ვეცდები პარალელები გავავლო:

-თუ იტალიაში ვენეცია აქვთ ბატონო?! ჩვენ გვაქვს ფოთი (რამ გაყო ფოთი და ვენეცია?!);

-თუ პარიზში ეიფელი აქვთ?! ჩვენ გვაქვს  ანძა (ეგკიარა დიდიხანია შევთანხმდით რომ ჯობია და საბოლოოდ ამოვწურეთ ეგ თემა);

-თუ  ვაშინგტონში თეთრი სახლი აქვთ ჩვენი პრეზიდენტის რეზიდენციასთან ღადაობაა ამის აღნიშვნა.

-თუ  ნიუ-იორკიში თავისუფლების ქანდაკება აქვთ?! შვენ გვყავს ქართლის დედა კარგი მოქეიფე და დამრტყმელი ქალია.

ჩვენ მეორე დედაც გვყავს! არაღიარებული კიდევაც დაიზრდებიან ჰქვია, ოღონდ ეს დედა ცოტა ზარმაცია და თავის ხმალს ბავშვებს ათრევინებს.

დამიჯერეთ ქართველებო მსგავსი ფორმის და ზედსახელის მქონე ხიდს ვერსად ვერ ნახავთ! ზედსახელის განსაკუთრებით !!!

მოკლედ ქართველებო მე მჯერა თქვენი გამჭრიახობის…

საქართველოს ორგანული კანონი ადამიანთა კეთილდღეობის შესახებ

2011 წელი

მუხლი 1. რეგულირების სფერო:

1.1  საქართველოს ორგანული კანონი ადამიანთა კეთილდღეობის შესახებ არეგულირებს საზოგადოებაში არსებულ მნიშვნელოვან წვრილმან საკითხებს.

1.2  წვრილმან საკითხებში კანონის თანახმად მოიაზრება ის ადმინისტრაციულ- სამოქალაქო ურთიერთობები რომლებიც დაფუძნებულია ადამიანთა კეთილსინდისიერების საფუძველზე.

1.3  ადამიანთა კეთილსინდისიერებაში მოიაზრება ის, რაც ქართველებს არ გაგვაჩნია.

მუხლი 2.საზოგადოებრივ ტრანსპორტში ქცევის წესები:

2.1  საზოგადოებრივ ტრანსპორტში დაუშვებელია განისაზღვრებოდეს  ადამიანთა ასაკით თუ ვინ შეიძლება ავიდეს პირველი.

2.2 საზოგადოებრივ ტრანსპორტში მოხუც ბებოებს ეკრძალებათ მოსთხოვონ ახალგაზრდას დაუთმოს მას ადგილი. წინააღმდეგ შემთხვევაში   მათზე განხორციელებული იქნება სამართლებრივი შეღრენა.

2.3    საქართველოს ორგანული კანონის ადამიანთა კეთილდღეობის შესახებ  2.2 გათვალისწინებულ შემთხევაში ახალგაზრდა, სქესი განუსაზღვრელია, საკუთარი სურვილით წყვეტს დაუთმოს  თუ არა მოხუცს (სქესი აქაც განუსაზღვრელია) მის მიერ დაკავებული ადგილი.

2.4   ახალგაზრდა ვალდებულია ჩაუწიოს ყურსასმენს როდესაც ის უსმენს უგემოვნო მუსიკას (თუნდ გემოვნებიანი იყოს). ყურსასმენის არარსებობის შემთხვევაში ვალდებულია საერთოდ გამორთოს მომღერალი ან/და დამკვრელი  ნივთი.(დამკვრელ/ან მომღერალ ნივთს მიეკუთვნება ყველა ის ქონებრივი სიკეთე რომელიც ხმას გამოსცემს). წინააღმდეგ შემთხვევაში შეწუხებული პირი უფლებამოსილია გადაათხლიშოს ზემო აღნიშნული ხმოვანი ქონებრივი სიკეთე.

2.5 საზოგადოებრივ ტრანსპორტში დაუშვებელია მძღოლის ან /და მემანქანის მიმართ უშვერი სიტყების გამოყენება.

2.6 ნებისმიერი მოქალაქე ვალდებულია გაუფრთხილდეს მძღოლის ნერვულ სისტემას. მემანქანეს მაინც არ ესმის და აიტანს.

2.7 თავის მხრივ მძღოლი ვალდებულია ყველა კარი გაუღოს მგზავრს, როგორც ჩასვლისას ასევე ამოსვლისას. კანონი არ ითვალისწინებს სულიერ კარებს, გულის კარს და ა.შ.

2.8 საზოგადოებრივი ტრანსპორტით მგზავრობისას მგზავრები ვალდებულნი არიან   კომპაქტურად დადგნენ რათა ხელი არ შეუშალონ მგზავრთა  გადაადგილებას ავტობუსიდან  გაჩერებებზე.

მუხლი 3. ქუჩაში ქცევის წესები ფეხით მოარულთათვის:

3.1 ქუჩაში გადაადგილების დროს გამვლელს სასტიკად ეკრძალება გადაფურთხება და ნებისმიერი მსგავსი ქმედება, წინააღმდეგ შემთხვევში კანონი ითვალისწინებს პირდაპირ სადამსჯელო ღონისძიებებს

3.1.1 მოკრძალებულად გადაფურთხება დაისჯება 10  ლარით (GEL)

3.1.2 მონდომებით გადაფურთხება დაისჯება 20  ლარით (GEL)

3.1.3 ქმედების ჯიუტად განმეორებისას გადამფურთხებელი ვალდებულია აწმინდოს ან/და ალოკოს საკუთარი ნამოქმედარი.

3.2 პირებს სასტიკად ეკრძალებათ მოფარებულ ადგილებში მოშარდვა. ამისათვის ქვეყნის მთელ ტერიტორიაზე და აფხაზეთისა და აჭარის ავტონომიურ რესპუბლიკებში გამოყოფილია სპეციალური დაწესებულება საკმაოდ დიდი წარწერით.

3.2.1 ამ კანონის 3.2 მუხლის დარღვევის შემთხვევაში დამრღვევი პირი დაისაჯოს ნამოქმედარ ტერიტორიაზე დატოვებით 12 საათის განმავლობაში, მისი მოწესრიგების მიზნით. წინააღმდეგ შემთხვევაში კანონი უშვებს დასაჭურისების პრეცედენტს.

3.3 პირებს რომლებიც ქუჩაში ფეხით გადაადგილდებიან უფლება აქვთ ისაუბრონ განუსაზღვრელი სიმაღლის ბგერებით დანუსაზღვრელ კილოზე. პირი რომელიც ყურადღებას გაამახვილებს ხმამაღლა მოსაუბრის მიმართ დაისჯება მისი მოსმენით.

3.4. დაუშვებელია ქუჩაში სიმღერა მხოლოდ და მხოლოდ მაშინ, როდესაც სმენის არსებობა ყურის არსებობასთან არის გაიგივებული… წინააღმდეგ შემთხვევაში დამრღვევი პირი დაისჯება 24 საათის განმავლობაში საკუთარი ჩანაწერის უწყვეტად მოსმენით.

3.5. გამვლელ პირს/ პირებს უფლება აქვთ იცინონ რამდენიც გაუხარდებათ მაგრამ გონივრული ვადით.

მუხლი 4 სულიერი მდგომარეობის  კონტროლის წესი:

4.1 პირებს ეკრძალებათ მოწყენილი ან ზედმეტად ბედნიერი სახეებით გადაადგილება.

4.2 ადამიანთა გაუთავებელი წუწუნის შემთხვევაში კანონი აწესებს შესაბამის სასჯელს

4.2.1. მწუწუნებლის მიერ  წუწუნი 1 სამუშაო დღე განუწყვეტლივ შეიძლება დაიგნორდეს.

4.2.2.  მწუწუნებლის მიერ წუწუნი 7 სამუშაო დღე შეიძლება გაიკიცხოს.

4.2.3.  მწუწუნებლის მიერ წუწუნი მთელი ცხოვრება – ამ შემთხვევაში კანონი პირებს უფლებას აძლევს საკუთარი ძალებით მოუღონ ბოლო მწუწუნებელს.

მუხლი 5 გამომეტყველება:

მოქალაქენი ვალდებულნი არიან ჰქონდეთ დამშვიდებული და დაწყნარებული გამომეტყველება. კანონი კრძალავს შემდეგ სიტყვებს „მეჩქარება“, „ვაგვიანებ“, „არ მცალია“ და ა.შ.

მუხლი 6 ყმაწვილთა ქცევის წესები:

6.1  მამრობითი სქესის მქონე ყმაწვილს(ვაჟი) უფლება აქვს უარი უთხრას მდედრობითი სქესის ყმაწვილს(გოგონა) ახირებულ თხოვნაზე სახლამდე ან /და სხვა დაწესებულებამდე მიცილებაზე.

6.2  კანონის თანახმად ვაჟებს სასტიკად ეკრძალებათ თანმხლები გოგონას გოგოური ჩანთის ტარება. გოგოურ ჩანთაში კანონი მოიაზრებს თვლებით ფუშფუშებითა და სხვა მსგავსი უბედურებებით მორთულ ხელჩანთას, რომელიც წარმოადგენდა გოგონას უბრალოდ აქსესუარს.

6.3 ვაჟებს(გოგონებს) უფლება აქვს არ გადაუხადონ მგზავრობის საფასური თანმხლებ პირებს.

6.4 წყვილებს ეკრძალებათ 20 სანტიმეტრზე ახლოს მიუახლოვდნენ ერთმანეთს მაშინ როდესაც ჰაერის ტემპერატურა 30 გრადუსს აღწევს.კანონი დისპოზიციურია მხოლოდ იმ შემთხვევში თუ წვილთაგან რომელიმეს ესაჭიროება ამბულატორიული დახმარება.

6.5 ფიზიკურ პირებს უფლება აქვთ ფეხი შემოდონ მაგიდაზე მერხზე ან/და ფანჯრის რაფაზე თუ ამის საშუალებას ფეხის სიგრძე იძლევა , რათა კომფორტულად იგრძნონ თავი.

მუხლი 7 ხანშიშესულთა ქცევი წესები:

ხანშიშესულებს უფლება აქვთ ისაუბრონ რამდენიც გაუხარდებთ იმაზე თუ რა თაობა მოდის და მიდის… საუბრით ვერაფერს შეცვლიან და გულის მოფხანა ვის რას უშავებს.

მუხლი 8 დასკვნითი დებილობები და შენიშვნები:

8.1 კანონი აწესრიგებს მასში განსაზღვრულ ყოველ ქმედებას და სხვა ქმედებებსაც რომელიც არ არის გაწერილი და რომლებიც შეადგენენ საზოგადოებაში ჰარმონიის დამკვიდრების უმთავრეს პირობას.

შენიშვნა:#1

მწუწუნებლის მაგივრად გამოიყენება წუწუნა, რომელსაც კანონის ტექსტი, სამართლებრივი ტერმინოლოგია და ნორმალური ადამიანები არ აღიარებენ.

შენიშვნა: #2

დასკვნითი დებილობების ნაცვლად უნდა იყოს დასკვნითი დებულებები მაგრამ კანონშემოქმედი სულ ვვოცნებობდი რომელიმე კანონის ან/და მსგავსი დოკუმენტის დებულებები ასეთი სახით დაეწერა ვინმეს.

კანონშემოქმედი ანია ვაშალომიძე 2011წ.